شفقت ساڈی جان چھڑا دے
پیپراں دا تُوں لُچ مُکا دے
چُھٹیاں کر کر سب کجھ پُل گٸے
ہُن تُوں سانوں پاس کرا دے
ذہناں اُتے زور نٸیں پیندا
گھنٹا پڑھیے ککھ نٸیں ریہندا
بستہ ویکھ کچیچی چڑھ دی
مونڈھا وی ہُن پار نٸیں سیہندا
کرکے آرڈر اگلی میٹنگ
ساڈا بیڑا پار لگا دے
ماپے وی ہُن گلاں کر دے
ویکھ کے سانُوں ہَو کے بھر دے
پہلاں سی اسی اکھ دے تارے
ساڈی ہُن او گل نٸیں جر دے
تیرا کجھ نٸیں جاناں باوا
بس تُوں ساڈا کم بنا دے
بھیدنیں ساڈےکھل دےجاندے
ککھاں وانگو رُل دے جاندے
ماشٹر کَوڈی مُل نٸیں پاندے
پہاڑے سانُوں پُل دے جاندے
گھار وچ رہ جاٸے ساڈی عزت
ایسا تُکَّا تیر چلا دے
الله تینوں وزیر بنایا
سب کجھ تیرے ہتھ پھڑایا
ایسا ہے تُوں نام کمایا
بچہ بچہ جان دا تینوں
ساڈا ہُن تُوں جہاز چڑھا دے
شفقت سانوں پاس کرا دے