ہر تھاں تے ہر حال پنجابی بولاں گے
میں تے میرے لال پنجابی بولاں گے
جگ توں وکھری تے انمُلی ماں بولی
قسمیں دل دے نال پنجابی بولاں گے
ایہ بولی اے، لجاں شرماں انْکھاں دی
ہاں انکھی! لج پال پنجابی بولاں گے
آؤ رل کے وعدہ کرئیے سارے جی
اپنے بالاں نال پنجابی بولاں گے
جِناں ٹِل دےنال توں سانوں روکیں گا
اوناں ٹِل دے نال پنجابی بولاں گے
ہر اک پریہا اندر ویکھیں اکرم شاد
کرکے بھال سنبھال پنجابی بولاں گے
المرسل: عمار ساجد ہانس
شاعر: اکرم رانا
❤